pidgin to da max...

[1014]

hod fo find da cd. my uncle wen send me one and da ting cherrrrry.

 

[Pueo]

hod fo find da cd. my uncle wen send me one and da ting cherrrrry.

Shoots dat buggah not anyweas! Next time I go Aloha stadium I gon look!

 

[1014]

no can depend on hawaiian 105 fo play backyard kanikapila kine music. same kine stuff all da time.

 

[1014]

eo kanaka, you know wea get poi our side? anyweas. from 916 to 415 to 408. i get frozen kine in my frigidaire, but i hungry das why

 

[Kanaka916]

Get dis place called Oto's an dey get delivery on Wed or Thur . . . dat was da last time I wen check.

 

[1014]

Kanaka, you going UH vs SJSU game? if you go, we tailgating. going be choke of us, you invited. going be mix UH and SJSU alumni. we going be in the stadium side parking lot. just look for one gray tundra with fishing (lawai`a) stickers on the back. look for the group that's body painting everybody blue or green. cheee. maybe i going bring my `ukulele but going be hot and i no like leave um in my car. going buss out cooking local kine grindz: pork ribs, home made poke, and hopefully fresh poi (if not going get rice). going be planny other food: ginger chicken, kalua pig. and planny green bottles.

 

[dakamaainahaole]

good fun readin dis trhead. and @1014 your saying "200 years of Unification. 117 years of ILLEGAL OCCUPATION."... ive seen/heard it befo plenny time... its da reason im not religious.... jus my opinion, but damn missionaries and da haoles dem dat believe dea beliefs are the only beliefs that matter... and damn da sailor kine dat wen bring disease li dat to da aina.

 

[Kanaka916]

Neil . . . no can, brah cause gotta go work dat night. Mahalos fo da invite. You makin me hungry jus talkin bout da grindz. How tings goin? Jus got back online couple days ago, had issues with cable and finally wen get um fix.

 

[Kanaka916]

good fun readin dis trhead. and @1014 your saying "200 years of Unification. 117 years of ILLEGAL OCCUPATION."... ive seen/heard it befo plenny time... its da reason im not religious.... jus my opinion, but damn missionaries and da haoles dem dat believe dea beliefs are the only beliefs that matter... and damn da sailor kine dat wen bring disease li dat to da aina.

Eh brah, E Komo Mai to da undahgroun. What you stay doin in Oki?

 

[dakamaainahaole]

Eh brah, E Komo Mai to da undahgroun. What you stay doin in Oki?

mil... af, on kadena ab... right now deployed tho, das why mo betta fo play da uke... might have to record myself tho jus for kanikapila with myself ssss... shaka tho, get one friend out hea with a guitar being sent, opposite shift tho ssss, bummahz!

 

[mm stan]

Wat dey say..you can take da loco out of the islands but you cannot take the loco out of you...
you guys missing da local style grinds eh....git sum up dea eh...wat does poi go for up dea whea you stay??

 

[Kanaka916]

Eh Stan . . . how you doin brah? Everyting good oh wat? An kamaainahaole, whea you stay deployed? Wen we was at DS in 91, had a bunch of braddahs all in one place. Bad paht I was workin da 6PM to 6AM shift so neva get once chance fo jam wit dem guys. Brah, jus go make yo own kine music, no shame. What kine job you do anyway?

 

[dakamaainahaole]

An kamaainahaole, whea you stay deployed? ... ... Brah, jus go make yo own kine music, no shame. What kine job you do anyway?

Ste in "southwest asia" so dem say i have fo say ::secret:: but brah i work ammo brah... ordinance kine

 

[mm stan]

Eh Stan . . . how you doin brah? Everyting good oh wat?
Mahalo Brah fo askin" ...Nah, still unda da weada ...80% wonda if goin' to git any beta?? been so long...sheesh

 

[808boy]

Eh Stan,
No foget our deal, get bettah so I can visit and bring sum locol grinds and maybe have short kine Kanikapila. Next Friday, I stay ova dea fo 5 kine days.
Sorry Bruddahs, but I'm having a hard time understanding and writing Pidgin, been living in California for 44 years. I've been in Hawaii the past three months and sorta getting used to the lingo, but still hard. This Local Boy sad eh?
@ Danny, hope to hook up at L&L with Chris and Connie to meet you and the gang.
Aloha,.........................BO.......................

 

[Kanaka916]

Goin come back! Jus gotta be able fo turn 'em off and on. But having local pepo around also help. Seehsh 44 years, I got to Cali in 1980.

 

[dakamaainahaole]

Goin come back! Jus gotta be able fo turn 'em off and on. But having local pepo around also help.

I like being stationed on Okinawa, das why, plenty locals (guams n odda islander kines too), but yeah brah, you no hea pidgin, talk cannot, but hea pidgin an den can awready li dat... if can, can brah!

 

[1014]

cheee hu! howzit braddahs. e kanaka and 808boy, when you guys go jam, call me too. i not too far. for reals, going go sac st for conference nov 4th. one day kine, so can cruise with you guys when stay pau. can practice `ukulele and pidgin haha. 808, i rarely talk pidgin now. or even `olelo. only wen i really hang out with other local peopo or i stay all buss. i can tell tho, my pidgin almos make and sometimes i just think i just trying.

Kams, my uncle stay okinawa too. i think he finally retire from da navy (i think) but my cousin said he still working there and no like come home. workaholic das why.

Braddah stan, just had tailgate fo da UH vs SJSU game hea and i buss out da grinds:


kalbi ribs, ahi and tako shoyu poke (wit ogo!), haupia, and fresh poi. i wen make all homemade, except da poi i wen buy fresh from one place who get um ship from hawaii every week. my odda cousin wen cook kalua pork and cabbage. brok da mout cuz. but still yet not the same. yeah, fo reals wen we stay da `aina, we take all of it for granted. my cousins in hawai`i call me double hawaiian now cuz i absorb it all.

 

[mm stan]

Wassup Bruddah Neil,
Soundz like da tailgating wuz a hit... looky at all da Ono grindz...love da tako wit da limu...all my fav's...kalbi, poi, and kalua pork n cabbage...and finish off wit da haupia..oh brah, stay dreamin
about goin' to your parties now.. hope you guys wen bas out da ukes too and kani ....my cuz makes his Kalua pig in da slo cookah..come out awesome and ono..wit just shoyu, liquid smoke and
hawaiian salt....you guys can get taro and taro leaves up dea in da mainland?? for lau lau and Squid luau?? dey my fav's too..oh brah, now I gotta hit da hawaiian place for sum ono grinds..da opu
stay talking.. mahalo plenty for the pic's...

 

[1014]

my dad them get dry land kalo. but i shame ask for the lau kalo. even ti leaf for the game, i never ask too much. my mom used to make ono laulau, but not anymore. maybe i go ask for da kine recipe. hoooo i hungry now!

nah we never kanikapila. hot dis side, so i nevah like chance leave my `ukulele in da truck. plus had so much radio going, had planny hawaiian music.

oh yeah one oddah ting. the song my faddah dem working on now is one wai`anae medley: E wai`anae and Aloha ia o Wai`anae. tribute to god's country cheeee!